Ынталы ауылдық округі спортшысының жетістігі

2024 жылы Қазақстан Республикасының «Спорт күні» кәсіби мерекесіне орай ұйымдастырылған Алакөл ауданы тұрғындары арасындағы аудандық спартакиадада гір тасын көтеруден 45 жастан жоғары қатысушылар арасында Ынталы ауылдық округінің спортшысы Черубаев Қуат жүлделі III орынға ие болды.

Жарыс барысында спортшылар күш-қуатын, төзімділігін және жоғары дайындық деңгейін көрсетті. Черубаев Қуат жарысқа белсенді қатысып, өз шеберлігін танытып, ауылдық округтің намысын қорғады.

Мақсаты:
Спартакиаданың негізгі мақсаты – тұрғындар арасында бұқаралық спортты дамыту, салауатты өмір салтын насихаттау, спортқа деген қызығушылықты арттыру және әртүрлі жас санатындағы азаматтарды дене шынықтырумен тұрақты айналысуға ынталандыру.

Қорытынды:
Черубаев Қуаттың бұл жетістігі – табандылықтың, еңбектің және спортқа деген қызығушылықтың нәтижесі. Ынталы ауылдық округі спортшысын жүлделі орнымен құттықтап, алдағы уақытта да зор денсаулық, қажымас қайрат және жаңа жеңістер тілейді.