«Қиялға қанат бітірген крейдалар»

Асфальттағы шығармашылық сәт

Бүгін біздің балабақшада балалар асфальтқа түрлі-түсті крейдалармен сурет салды. Бұл іс-шара балалардың қиялын дамытып қана қоймай, олардың шығармашылық қабілеттерін көрсетуге тамаша мүмкіндік берді.

Балалар табиғат көріністерін, жануарларды, гүлдерді және өздеріне ұнаған түрлі бейнелерді қағаз орнына асфальт бетіне түсірді. Тәрбиешілер әр баланың еңбегін қолдап, шығармашылық процеске қызығушылықтарын арттырды.

Асфальтта сурет салу – бұл тек көңілді ойын ғана емес, сонымен қатар балалардың ұсақ моторикасын, түс сезімін және өз-өзіне сенімін дамытатын пайдалы іс-шара. Кішкентай суретшілердің көңілдері көтеріңкі, күлкілері төгіліп, мерекелік көңіл-күйде өтті.