“Таза Қазақстан” республикалық экологиялық акциясы аясында “Таза бейсенбі” іс-шарасы

Жетісу облысы, Алакөл ауданы, Ынталы орта мектебінде “Таза Қазақстан” республикалық экологиялық акциясы аясында “Таза бейсенбі” іс-шарасы мектеп оқушыларының қатысуымен ұйымдастырылды. Іс-шара барысында оқушылар мектеп ауласын, ойын алаңдарын және көршілес аумақтарды қоқыстан тазалады, қоқыс жәшіктерін ретке келтіріп, экологиялық тәртіп сақтау ережелерін пысықтады.

Оқушыларға экологиялық мәдениет қалыптастыру, қоршаған ортаны қорғаудың маңыздылығын түсіндіру мақсатында арнайы әңгімелер өткізілді. Сонымен қатар, акцияға қатысушылардың белсенділігі артып, өзара ынтымақтастық пен жауапкершілікті нығайтуға мүмкіндік туды. Іс-шара қорытындысы бойынша мектеп ауласында тазалық пен тәртіп сақталуына ерекше көңіл бөлініп, оқушыларға экологиялық сана мен табиғатты қорғауға үлес қосу міндеті түсіндірілді.