«Көп жасаған қария, ақыл теңіз дария »

Ынталы ауылдық округінің мәдениет үйінде абыз, ақсақалдарымыз бен ақ жаулықты әжелерімізге арналған «Көп жасаған қария, ақыл теңіз дария » атты мерекелік шара өтті. Онда өткен өмірлері өнегеге толы, салиқалы мінезді қарттарымызға арналып мерекелік бағдарлама ұйымдастырылды. Айтулы шараның шымылдығын мектебіміздің тәрбие жұмысы жөніндегі орынбасары  Қ.Нүсіпқан ашып берді. Мереке қонақтары қарт ұстаз , талай шәкірт тәрбиелеген Атажанова Қатыш апамызбен, ауданымыздың құрметті азаматы , ақсақалдар алқасының төрағасы Абылғазы атамыз сөз алып, ізгі тілектерін білдіріп, естеліктерімен бөлісіп,баталарын берді. Шара соңы концерттік бағдарламамен жалғасты