Жаңашыл ұстаз – жарқын жеңіс!

«Жаңа мектепке – жаңашыл ұстаз» аудандық байқауында Ынталы орта мектебінің химия пәні мұғалімі Қабыл Таңжарық жүлделі 🥉 III орынға ие болды!

Ұстазымыз байқауда өзінің кәсіби шеберлігін, жаңашыл әдіс-тәсілдерін және шығармашылық ізденісін жоғары деңгейде көрсете білді. Оқытудың заманауи технологияларын тиімді пайдаланып, білім алушылардың пәнге деген қызығушылығын арттырудағы тың идеяларымен ерекшеленді. Бұл – табандылық пен үздіксіз еңбектің, ізденімпаздық пен жауапкершіліктің жарқын көрінісі.

Байқау барысында қатысушылар педагогикалық шеберлік, әдістемелік сауаттылық және инновациялық тәжірибе бағыттары бойынша сынға түсті. Осындай бәсекелі додада жүлделі орын иелену – үлкен жетістік әрі ұжым мерейі.

Әріптесімізге шығармашылық табыс, жаңа жетістіктер мен биік белестер тілейміз!
Білімді де білікті ұрпақ тәрбиелеу жолындағы еңбегіңіз жана берсін, шәкірттеріңіз әрдайым сіздің үмітіңізді ақтасын! 🌟