Мектебімізде қазақ поэзиясының Хантәңірі — Мұқағали Мақатаев шығармашылығына арналған дәстүрлі мүшайра өтті. Жыр кешінде оқушылар ақынның сырлы да мұңды, отты да өршіл өлеңдерін мәнерлеп оқып, поэзияға деген сүйіспеншіліктерін көрсетті. Әр қатысушы жүрек үнін жеткізе білді. Мүшайраның басты мақсаты – жас ұрпақтың бойына ұлттық рухты, ана тіліне деген құрметті, поэзияға деген қызығушылықты арттыру. «Поэзия – менімен егіз бе едің?» деген ақын үні бүгінгі жас жүректермен қайта қауышқандай болды.