"Ұрпақ тәрбиесі -ұлт болашағы" атты жиналыс өткізілді

Бүгін 20 қыркүйек күні Ынталы орта мектебінде "Ұрпақ тәрбиесі- ұлт болашағы" тақырыбында кездесу жиналысы өтті. Аталмыш жиналысқа мектебіміздің 8-11 сынып оқушылары,  ұстаздар және ауданнан арнайы шақырылған қонақтар  қатысты.  
Жиын барысында Алакөл АПБ-ның ЖПҚ-ның ЮПТ-ның инспекторы полиция  лейтенанты Р. Б Мырзакулбек және АПБ ЖПҚБ Жасөспірімдер жөніндегі инспектор, аға лейтенант Қ. Т Ахванова оқушылардың құқықтық білімдері және заң алдындағы жауапкершіліктерін арттыру мақсатында,  жасөспірімдерді қылмыстық әрекеттерден бойларын аулақ ұстауға шақыру мақсатында "Кәмелеттік жасқа толмағандар арасында құқық бұзушылықтың, жыныстық қол тиіспеушілігіне қатысты құқық бұзушылықтың алдын алу" тақырыбында баяндама жасады. Сонымен қатар, Алакөл аудандық орталық аурухана мекемесінен дәрігер-нарколог Саятова Баршагүл Ахатовна мен психолог маманы Кабдрасилова Сандуғаш Асқарқызы қатысып,  оқушыларға нашақорлықтың алдын алу,  салауатты өмір салтын қалыптастыру,  Синтетикалық есірткіні пайдаланбау,  улы шегімдік,  ішімдікке қарсы іс-қимылды күшейтуге шақырды.  Бағасының арзандығымен,  айқын психотроптық әсерімен,  тәуелділіктің жылдам қалыптасуымен ерекшеленетін жаңа психотроптық заттарға жоламауға үндеді. 
Ұрпақ тәрбиесі-ұлт болашағы екені сөзсіз, келелі кездесу жиналысында тамаша тағылымдар айтылды. Оқушылар өз көкейлерінде жүрген кейбір түйткілді мәселелер туралы өз сұрақтарына жауап ала білді. Сауалнама жүргізіліп,  түнгі рейд жұмыстарының да күшейтілетіні құлақ қағыс етілді.