Ұлттық ойыннан үздік нәтиже

Ынталы орта мектебінің оқушылары 9, 11 және 13 жас ерекшеліктері бойынша өткен Жетісу чемпионатында тоғызқұмалақтан жекелей сайыста өз бақтарын сынап, жоғары деңгейдегі ойын өрнегін көрсетті. Нәтижесінде жүлделі ІІІ орынға ие болып, мектебіміздің мерейін үстем етті.
Тоғызқұмалақ – терең ой мен ұқыптылықты талап ететін ұлттық зияткерлік ойын. Осындай жауапты додада оқушыларымыз өздерінің логикалық ойлау қабілетін, төзімділігі мен шеберлігін дәлелдей білді. Бұл жетістік – олардың тынымсыз еңбегі мен жүйелі дайындықтарының жемісі.
Жас спортшыларымыздың жеңісі – мектебіміз үшін үлкен мақтаныш. Оқушыларымызды жетістіктерімен шын жүректен құттықтай отырып, алдағы жарыстарда бұдан да биік белестерді бағындыруларына тілектестік білдіреміз!
Жетекшісі: Жайлаубаев Қайрат. Оқушыларды жарысқа дайындаудағы кәсіби еңбегі мен жанашырлығы үшін жетекшісіне алғыс білдіреміз.