«Қамқорлық пен ізеттілік – жас ұрпақтың бойындағы асыл қасиет»
Қарттар күніне арналған онкүндік аясында 8-сынып оқушылары ауыл ақсақалы Несіпбек атаның үйіне барып, көмек қолын созды.
Балалар атаның хал-жағдайын сұрап, домшаруасына жәрдемдесті, аула тазалауға көмектесіп, қажетті істерін тындырып берді. Оқушылардың ықыласы мен қамқорлығына риза болған Несіпбек ата оларға өзінің өмірлік тәжірибесінен өнегелі әңгімелер айтып, ақыл-кеңесімен бөлісті.
Жылы лебіз бен ізгі тілектерге толы кездесу оқушыларға ерекше әсер қалдырды. Олар үлкенге құрмет көрсетудің, қарияларға қамқор болудың адамгершіліктің басты белгілерінің бірі екенін жүректерімен сезінді.
Осындай игі істер оқушылардың бойында мейірім, құрмет пен ізеттілік қасиеттерін қалыптастырып қана қоймай, ұрпақтар сабақтастығын нығайтып, қоғамда қайырымдылық мәдениетінің артуына ықпал етеді.
