Мектебіміздің театр ұжымы облыстық байқауда жоғары деңгейде өнер көрсетіп, көрермен мен қазылар алқасының көңілінен шығып, Бас жүлдені жеңіп алды! Бұл – ұжымның кәсіби шеберлігін, ынтымағы мен бірлігін көрсеткен зор жетістік.

Оқушылар сахнада өз рөлдерін үлкен жауапкершілікпен орындап, көркем образдарды нанымды жеткізе білді. Сахналық қойылымдағы эмоциялық тереңдік, актерлік қабілет, мәтінді шебер игеру және командалық жұмыс ерекше бағаланды.

Бұл жеңіс – жас өнерпаздардың талпынысы мен ұстаздардың жүйелі еңбегінің жемісі. Театр жетекшісінің бағыт-бағдары, дайындық барысындағы табандылық пен шығармашылық ізденіс жеңіске жол ашты.

Шығармашылық топқа зор алғыс айтамыз!
Алдағы уақытта да биіктерді бағындырып, өнер жолында жарқырай берейік!

24 қазан күні сағат 15:00-де Ынталы орта мектебінде дәстүрлі директор сағаты ұйымдастырылды. Кездесуге жоғары сынып оқушылары қатысып, оқу-тәрбие үдерісіне қатысты маңызды мәселелер жан-жақты талқыланды.

Директор оқушыларға мектептегі тәртіп, оқу сапасы, қауіпсіздік, сабаққа қатысу және үйірме жұмыстары жөнінде ақпарат беріп, алдағы жоспарлармен таныстырды. Өз кезегінде оқушылар мектеп өміріне қатысты ұсыныс-пікірлерін ортаға салып, толғандырған сұрақтарын еркін қойды. Әрбір пікір назарға алынып, тиісті бағыттар бойынша түсіндіру жұмыстары жүргізілді.

Бұл ашық форматтағы кездесу оқушылар мен мектеп әкімшілігі арасындағы байланыс орнатуға, өзара түсіністік пен жауапкершілікті арттыруға ықпал етті.

Мақсат — оқушылармен ашық диалог құрып, мектеп дамуына бірлесе үлес қосу!

Бүгін Ынталы орта мектебінің асханасында бракераждық комиссия тарапынан жоспарлы тексеріс жүргізілді. Комиссия құрамында қамқоршылық кеңесінің мүшесі Сүлейменова Сәуле, ата-аналар комитетінің өкілі Берікболова Анар, сондай-ақ мектеп директоры Басқанбаева Сандуғаш болды.

Тексеру барысында күнделікті ас мәзірінің құрамы, дайындалған тағамдардың сапасы, өнімдердің жарамдылық мерзімі, санитарлық-гигиеналық талаптардың сақталуы және асхана қызметкерлерінің жұмыс тәртібі жіті бақылаудан өтті. Комиссия мүшелері балаларға ұсынылатын тағамның дәмін көріп, оның сапасы мен қауіпсіздігіне ерекше назар аударды.

Нәтижесінде асхананың жұмысы талапқа сай деп бағаланып, мектеп әкімшілігі мен асхана қызметкерлеріне оқушылардың денсаулығын қорғау жолында жасаған еңбектері үшін алғыс білдірілді.

Мұндай тексерістер асхана қызметінің сапасын тұрақты бақылауда ұстап, оқушылардың қауіпсіз әрі пайдалы тағаммен қамтылуын қамтамасыз етуге бағытталған.

Кездесу барысында құқық қорғау органдарының өкілдері оқушыларға құқық бұзушылықтың алдын алу, кәмелетке толмағандардың жауапкершілігі, мектеп пен қоғамдағы тәртіп сақтау мәдениеті туралы түсінікті әрі маңызды ақпарат ұсынды. Сонымен қатар буллингтің зардабы, киберқауіпсіздік, әлеуметтік желілердегі қауіпті әрекеттерден сақтану жолдары кеңінен сөз болды.

Полиция қызметкерлері нақты өмірлік жағдайлардан мысал келтіре отырып, заң талаптарын бұзудың салдары мен әр азаматтың қауіпсіздік ережелерін сақтаудағы рөлін түсіндірді. Оқушылар өздерін қызықтырған сұрақтарды қойып, мамандардан толыққанды жауап алды.

Мұндай кездесулер жасөспірімдердің құқықтық санасын қалыптастырып, олардың дұрыс бағытта ойлануына, қоғам алдындағы жауапкершілікті сезінуіне зор ықпал етеді. Мектебіміз құқық қорғау органдарымен бірлесе отырып, оқушылардың қауіпсіздігі мен тәрбиесін әрдайым басты назарда ұстайды.

Апталық жиында алдыңғы аптаның қорытындысы жарияланып, оқушыларымыздың білім, өнер және спорт бағытындағы жетістіктері аталып өтті.

«Мизам» жылжымалы әдеби жарысында Қожақапан Айым өзінің шығармашылық қабілетімен танылып, жеңімпаз атанды. Бұл – мектеп үшін үлкен мақтаныш.

Сонымен қатар облыс көлемінде ұйымдастырылған тоғызқұмалақ жарысына қатысқан оқушылар да жоғары нәтиже көрсетті.

• Өмірсерік Мақтаулы – III орын,

• Шаймарданқызы Аяжан – III орын,

• Жүнісбек Маржан – II орын иеленіп, ұлттық ойынды дамытуға қосқан үлестерін көрсетті.

Аудандық оқушылар арасында өткен “Жас Ұлан” әскери ойынында мектебіміздің командасы III орын алып, дайындығы мен шеберлігін дәлелдеді! 🇰🇿👏

Жарысқа қатысып, мектеп абыройын асқақтатқан барлық оқушылар мен жетекшілерін шын жүректен құттықтаймыз! Ұлттық ойындарымызды дәріптеп, отансүйгіш рух пен жігерді арттыра берейік!