Аяланың бұл жетістігі – оның ғылыми жұмысқа деген қызығушылығы, тиянақтылығы мен талпынысының, сондай-ақ жетекшісі Алтынай Талғатқызының кәсіби бағыт-бағдары мен үздіксіз қолдауының нәтижесі екені сөзсіз. Жоба мазмұны, зерттеу әдісі мен қорғау деңгейі қазылар алқасы тарапынан жоғары бағаланып, 100 ұпайдың 88-ін жинады.

Бұл табыс – оқушының да, жетекшінің де еңбегінің лайықты нәтижесі.

Аяла мен жетекшісіне алдағы ғылыми ізденістерінде толағай табыс, жаңа жетістіктер мен биік белестерді бағындыруды тілейміз!
Ғылым жолындағы әр қадамдары жемісті болсын! 🌟

Жиын барысында оқушыларға Парламент мүшесі ретіндегі міндеттері түсіндіріліп, мектептегі тәртіп, мәдени іс-шаралар, оқушылардың ұсыныстары мен бастамаларын жүзеге асыру бағытындағы жұмыстар таныстырылды. Әрбір жаңа мүше мектептің дамуына өз үлесін қосуға дайын екендігін білдіріп, сенімге лайық болуға уәде етті.

Жаңа құрамға сәттілік тілейміз! Олар алдағы уақытта мектеп қауымдастығының белсенді көшбасшыларына айналып, оқушылардың қызығушылығын арттыруға, мектеп өмірін жандандыруға, түрлі жобалар мен шараларды ұйымдастыруға атсалысатынына сенім мол.

Бұл маңызды қадам жас көшбасшылардың азаматтық позициясын қалыптастырып, жауапкершілік пен ұйымшылдыққа тәрбиелейді.

Сонымен қатар, сайыс кезінде оқушылардың бір-біріне қолдау көрсетіп, достық қарым-қатынас орнатуына ерекше көңіл бөлінді. Әр қатысушы ойын ережелерін сақтап, әділдік танытып, өз мүмкіндіктерін барынша көрсетуге тырысты.

Шара соңында жеңімпаздар марапатталып, барлық қатысушыларға белсенділігі үшін алғыс хаттар табысталды.
Осындай іс-шаралар оқушылардың рухани дамуына, логикалық ойлауын жетілдіруге және ұлттық ойындарды дәріптеуге үлкен үлес қосады.

Біздің мектебіміздің оқушыларынан құралған “Ынталы” КВН командасы “Jastar Cup” жайдарман ойынында ерекше өнер көрсетіп, 1-орынды жеңіп алды!!! Бұл жеңіс – олардың бірлігінің, тапқырлығының, еңбекқорлығының және шығармашылық ізденісінің нәтижесі.

Команда мүшелері өздерінің әзіл-қалжыңға құрылған сапалы бағдарламасымен көрермендерді тәнті етіп, қазылар алқасының жоғары бағасына ие болды. Жайдарманшылар мектеп беделін көтеріп, оқушыларға үлгі боларлықтай өнер көрсетті.

Жетістікке жету жолында қолдау көрсеткен жетекшілерге, ұстаздарға және жанкүйерлерге алғыс айтамыз. “Ынталы” командасына алдағы сайыстарда да толағай табыс, жаңа шығармашылық биіктер мен жарқын жеңістер тілейміз!

Сіздерді кәсіби мерекелеріңіз – Ұстаздар күнімен шын жүректен құттықтаймыз! Ұрпақ тәрбиелеу жолындағы тынымсыз еңбектеріңіз, шәкірттерге бағыт-бағдар берудегі ынта-жігерлеріңіз ерекше құрметке лайық. Сіздердің мейірімдеріңіз, сабырларыңыз бен талапшылдықтарыңыз әрбір оқушының болашағын жарқын етуге зор үлес қосуда.

Ұстаз – жас ұрпаққа білім нәрін беріп қана қоймай, олардың өмірлік ұстанымын қалыптастыратын тұлға. Осы жолда көрсеткен еңбектеріңіз елеулі, атқарған қызметтеріңіз – ел ертеңінің іргесін бекемдейді.

Өз еңбектеріңіздің жемісін көріп, шығармашылық табысқа кенеле беріңіздер. Дендеріңізге саулық, шаңырақтарыңызға береке, әр күніңізге шаттық тілейміз! Шәкірттеріңіздің жетістігі мен алғысы – сіздерге ең үлкен марапат.

Мерекелеріңіз құтты болсын, ардақты ұстаздар!

Құрметті ардагерлер, қадірлі қарттар!

Бүгін – өмірдің барлық сынағынан сүрінбей өтіп, ұрпақ тәрбиелеп, елге адал қызмет еткен асыл жандарға құрмет көрсетілетін ерекше күн. Бұл күн – сіздердің еңбектеріңізді бағалап, даналықтарыңыз бен өмірлік тәжірибеңізге тағзым ету күні.

Сіздердің әрбір ақыл-кеңестеріңіз – біз үшін үлкен қазына, әрбір айтқан тәліміңіз – баға жетпес мұра. Біздің бүгінгі жетістіктеріміз бен тыныш өміріміз – сіздердің маңдай терлеріңіз бен табанды еңбектеріңіздің нәтижесі.

Сіздерге зор денсаулық, ұзақ ғұмыр, отбасы амандығын тілейміз! Ұрпағыңыздың қызығын көріп, қуанышқа бөлене беріңіздер. Қарттар күні құтты болсын!